"Täze Bakja" Hojalyk Jemgyýetiniň guran ýyladyşhanasynda Ýewropada öndürilen iň kämil agrotehniki enjamlar gurnaldy. Bu enjam öndürilýän önümiň hiliniň, çydamlylygynyň, tagamynyň we daş keşbiniň kämil bolmagyna kepil geçýär. Gurnalan enjamlar tebigy resurslary tygşytly ulanyp önüm ýetişdirmek üçin niýetlenen.

Ýyladyşhananyň içine gurnalan enjamlar bilen integrasiýasy ýola goýulan programma gök önümleri ýetişdirmegi meýilleşdirmek, olara ideg etmek we alyjylara hödürlemek döwürlerinde maksimum girdeji gazanmak üçin hasaplary amala aşyrmaga ýardam berýär.

Öndürilýän önümler alyjylara hödürlenmezden öň, Ýewropanyň kämil laboratoriýa enjamlary arkaly hil barlagyndan geçiriler.

Ýyladyşhanada gurnalan tehnikalar arkaly ýyladyş we çyglylyk ulgamyny, kömürturşy gazynyň sirkulasiýa ulgamyny, ösümlikleri suw we minarallar bilen üpjün edýän ulgamlary awtomatiki gözegçilikde saklamak mümkin.